لماذا الاسف وقد قتلتني

خيانة أسم هالموقف وراعيها ترى غدار
خيانة قلبي مو سهلة تراها فـ حقي كبيرة

خيانة والعذر كاذب تبرت منه الأعذار
عذر أقبح من ذنوب ٍ يساوي كثرها ديرة

حبيبي الخاين أسمح لي أبوح دفتري ما صار
وأسطر جرحي الخالد في قلبي زاد تعميره

خذلت القلب وعيونه تهل دموعها مدرار
وصارت قصته والله على لسان البشر سيره

صدمت العقل بسواتك وخليت الفكر يحتار
شرودٍ والعقل تايه.. حياتي كلها حيرة

أنا لما هويتك قلت \"أحبك\" موكلام صغار
ولكن للأسف كلمة \"أحبك\" عندك صغيرة

أحبك تجري في دمي.. أحبك حكمة الأقدار
أحبك منهجٍ وافي رفض هالقلب تغيره

أثاري كلمتي عندك بلا قيمة .. بلا مقدار
وأثاري كل شي قلته كلامٍ ماخذٍ خيره

حسافة جفت أحلامي كما نخلٍ بدون ثمار
جفاف ٍ ساد هالخاطر .. خفوقي تم تدميره

مزيف حبّك الخاين خلاص أنكشفت الأسرار
ختم غدرك بدا واضح وحبّك بان تزويره

تبي ترجع تقول آسف حبيبي خلص المشوار
خفوقي أنسى عنوانه ودوّر لك على غيره

بعد ما كنت لك شمعة أبحجب عنّك النوار
عشان تعرف أنوارك سببها كانت \"منيرة\"

لأنك بعت أحساسي بلا وزن وبلا معيار
لأنّك خنت حبي لك وعطفي وكل تقديره

خلاص توكل وفارق بلا كلمة بلا أعذار
خيانة قلبي مو سهلة تراها فـ حقي كبيرة

.................................................. ........................................

تحيـــاتي

تسلم اناملك اخويه على ما قلت وكتبت

انتظر جديدك

تقبل تحيااااااااااااااااتي

بنت العراق

» لماذا الاسف وقد قتلتني
» هذا حال العراقين والله مع الاسف صور بشعه تفوتكم والله
» لماذا عزرائيل (عليه السلام) هو ملك الموت ؟؟؟...