ياعين كني دموعك في محاجرها
مافيه داعي على من راح تبكينه
ياعين دامك مصره في عبايرها
تكفين خدي بدمعـك لاتضرينـه
ياعين عالم تقلب في مضاهرهـا
حب الخديعه نصيحه لاتضمينـه
ياعين قلبي تبعثر من خناجرهـا
لو زف الأحزان يمك لاتلومينـه
ياعين فرقاه ماخفت مخاطرهـا
أدخل على الله من أقفى لاتحبينه
ياعين نفسي عزيزه في مشاعرها
أعز ياعين مـن دمعـا تهلينـه
تحياااتي لكم
& *** وسام العلي *** &
الأحد 23 سبتمبر - 21:03
