اظن اليوم منك تبطل الجلمات
وحجي لساني ابد ميفيدة غزل
انت الخالقك ما خلة بيك تراب
خلة بيك العسل يعني انت عسل
انت سبحان الخلق حسنك عجيب
والشافك ابد ما حس بالملل
انت زعلت الكمر لمن ضويت
وشلنة بيه الكمر خلة شما زعل
انت صرت النور وصرت انت الظلام
ولصفاتك ما اظن واحد وصل
انت دمع العين من شافك غفة
وحلف دمع العين ابدا مايهل
انت دوخت الزمان بهل الزمان
وصار حتة المومن بحسنك ثمل
انت ما يوصف جمالك اي بشر
ولا حرف ينفع ولا تنفع جمل
انت بالشارع لون مريت يوم
حتى الشارع يصيبة شلل